Nazarbayéf qazaqistanni dunyadiki eng tereqqi qilghan 50 döletning birige aylandurmaqchi


2005-12-18
Share

Yéqinda qazaqistan prézidénti nursultan nazarbayéf pütün qazaqistan'gha nutuq sözlep, özining qazaqistanni qisqa waqit ichide zamaniwilashturup, uni dunyadiki eng tereqqi qilghan 50 döletning birige aylanduridighanliqini élan qilghan.

Ottura asiya uchur merkizining sehipiside élan qilin'ghan nazarbayéfning nutqidin melum bolushiche, nursultan nazarbayéf bu qétimqi prézidént saylimigha yuqiri baha bérish bilen birge özining qazaqistanni güllendürüsh lahiyisini otturigha qoyghan, uning bergen wedisidin qarighanda, u qazaqistanni töt tereptin zamaniwilashturushni meqset qilghan bolup, bularning birinchisi iqtisadiy jehettin zamaniwlishish, ikkinchisi ijtima'iy parawanliq jehettiki zamaniwilishish shuningdek yene démokratiye hem siyasiy zamaniwilishish bilen dölet bixeterliki jehettiki zamaniwilishishtur.

Nursultan nazarbayéf özining yene yette yilliq prézidéntliq möhliti jeryanida mezkur pilanlirini emelge ashuridighanliqigha kishilerni ishendürüshke tirishqan. Qazaqistan mol néfit we tebi'iy gaz zapisigha ige memliket bolup, mutexessislerning bahasigha qarighanda qazaqistan da'iriliri énérgiye bayliqlirini keng kölemde sétish arqiliq iqtisadiy we ijtima'iy tereqqiyatni kapaletke ige qilmaqchi bolghan. Emma, qazaqistan hökümitining bu pilani bir qisim öktichiler teripidin tenqitke uchrimaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet