Nursultan nazarbayéf yene bir qarar prézidéntliqi üchün qesem berdi

• 
  2006-01-11

Ötken aydiki qazaqistan prézidént saylimida üstünlükke érishken qazaqistan prézidénti nursultan nazarbayéw charshenbe küni qesem ichip yene bir qarar 7 yilliq prézidéntliq wezipisini tapshuriwaldi.

Qesem bérish murasimi charshenbe qazaqistanning paytexti astanidiki prézidént sariyida ötküzülgen bolup, murasimda prézidént nursultan nazarbayéf prézidéntliq qesemnamisini oqudi hemde kök renglik qazaqistan bayriqini söydi.

Murasimgha 100 din oshuq chet'ellik méhmanlar qedem teshrip qildi. Bularning arisida rusiye prézidénti wiladimir putin, ukra'iniye prézidénti wiktor yoshinko, gruziye prézidénti méxa'il sa'akashwili we özbékistan, qirghizistan we tajikistan rehbirlirimu bar. Xitay hökümiti buninggha mu'awin re'is zéng chingxongni wekil qilip ewetti.

Nazarbayéf murasimda qilghan sözide, rusiye, xitay we amérikining qazaqisstanning istratégiyilik shiriki ikenlikini éytti. U sözide yene, yawropa we musulman döletliri bilen bolghan munasiwetni kücheytidighanliqinimu qoshup ötti. (Peride)