Nazarbayéf, kaspiy déngiz néfit turubisini xitaygha tutashturush heqqide wede berdi


2007-06-15
Share

Qazaqistan prézidénti nursultan nazarbayéf, jüme küni qazaqistanning kaspiy déngiz sahilidin Uyghur aptonom rayonighiche tutashturulidighan we xitayni néfit bilen teminleshni meqset qilghan néfit turuba yolini yasashqa wede berdi.

Qazaqistan metbu'atlirining xewer qilishiche, nazarbayéf jüme küni yuqiri kaménogorsk shehiride meblegh salghuchilar yighinigha qatniship, alataw - kaspiy déngiz néfit turubisining atasudin - kaspiy déngiz sahilighiche bolghan ariliqtiki axirqi 700 kilométirliq qismini pütküzüshke tereddut qiliwatqanliqini bildürgen.

Xitay bilen qazaqistan arisidiki alataw-kaspiy déngiz turuba yolining bir qisimi bolghan atasu - maytagh néfit turuba yolida ötken yili resmiy néfit éqitishqa bashlighan idi. Xitayning pilani maytagh rayonighiche kélidighan bu turuba yolining gherbiy uchini kaspiy déngiz sahilidiki néfitliklergiche tutashturushtur. Amérika énérgiye ministirliqining perez qilishiche, eger bu turuba yoli pütse, omumi uzunluqi 3000 kilométirgha yétip, xitay omumi néfit éhtiyajining 5 % ini qamdaydighan sewiyige yétishi mumkin.

Qazaqistan hökümiti ilgiri mezkur turuba yoli qurulushining 2011 - yilghiche pütüdighanliqini élan qilghan idi. Lékin nazarbayéf jüme küni turuba yolining qachan pütüdighanliqini tilgha almidi. Xewerlerge qarighanda, nöwette kaspiy déngiz sahilidin xitay döletlik néfit shirkitining kontrolluqidiki qazaqistan kéniyak néfitlikigiche tutishidighan 400 kilométirliq néfit turuba yolida resmiy meshghulat élip bériliwatidu. Qazaqistan axirqi yillarda xitay, rusiye we amérika qatarliq chong döletlerning tesir küch talishidighan muhim soruni bolup qaldi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet