Қазақистан өктичиси өлтүрүлди


2005-11-13
Share

Шәнбә күни қазақистанниң кона пайтәхти алмута шәһиридә атақлиқ өктичи заманбек нурқадилоп өлтүрүлди. www.news.ru Агентлиқиниң қазақистан учурлиридин нәқил кәлтүрүшичә, заманбек нурқадилоп қазақистанға тонулған дөләт әрбаби болуп, у узун йиллар алмута шәһәр башлиқи, алмута областиниң башлиқи қатарлиқ түрлүк рәһбири хизмәтләрдә болуп, қазақистанда зор тәсир қозғиған шәхскә айланған иди. Әмма , у 2004-йилидин етибарән өз хизмитидин айрилип, президент нурсултан назарбайевни мустәбитлик билән әйибләп, уни вәзиписидин истипа беришкә чақирған иди.

Нурқадилопниң бу хил өктичилики қазақистан өктичилиригә зор күч қошқан болсиму, әмма һазирғичә униң һечқандақ бир өктичилик тәшкилати билән алақиси йоқлиқи мәлум икән.

Дәсләптә, нурқадилопниң өзини өлтүрүвалғанлиқи һәққидә учур тарқалған болсиму, әмма тәкшүргүчиләр ениқлаш арқилиқ униң намәлум кишиләр тәрипидин өз өйидә тапанча билән етип өлтүрүлгәнликини бекиткән. Алмута сақчи даирилири җинайәтчини тепиш үчүн тәкшүрүш уюштурған болсиму, әмма һазирчә нәтиҗә һасил қилинмиған. Қазақистан һөкүмити өктичиләргә изчил қаттиқ чарә қоллинип кәлмәктә.

Илгири қаҗикәлдин вә лира байсейтова вә башқа өктичи рәһбәрлири һөкүмәт тәрипидин қаттиқ тәқипләшләргә учриған иди. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт