Qazaqistan öktichisi öltürüldi


2005-11-13
Share

Shenbe küni qazaqistanning kona paytexti almuta shehiride ataqliq öktichi zamanbék nurqadilop öltürüldi. www.news.ru Agéntliqining qazaqistan uchurliridin neqil keltürüshiche, zamanbék nurqadilop qazaqistan'gha tonulghan dölet erbabi bolup, u uzun yillar almuta sheher bashliqi, almuta oblastining bashliqi qatarliq türlük rehbiri xizmetlerde bolup, qazaqistanda zor tesir qozghighan shexske aylan'ghan idi. Emma , u 2004-yilidin étibaren öz xizmitidin ayrilip, prézidént nursultan nazarbayéwni mustebitlik bilen eyiblep, uni wezipisidin istipa bérishke chaqirghan idi.

Nurqadilopning bu xil öktichiliki qazaqistan öktichilirige zor küch qoshqan bolsimu, emma hazirghiche uning héchqandaq bir öktichilik teshkilati bilen alaqisi yoqliqi melum iken.

Deslepte, nurqadilopning özini öltürüwalghanliqi heqqide uchur tarqalghan bolsimu, emma tekshürgüchiler éniqlash arqiliq uning namelum kishiler teripidin öz öyide tapancha bilen étip öltürülgenlikini békitken. Almuta saqchi da'iriliri jinayetchini tépish üchün tekshürüsh uyushturghan bolsimu, emma hazirche netije hasil qilinmighan. Qazaqistan hökümiti öktichilerge izchil qattiq chare qollinip kelmekte.

Ilgiri qajikeldin we lira bayséytowa we bashqa öktichi rehberliri hökümet teripidin qattiq teqipleshlerge uchrighan idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet