Uzbék kishilik hoquq pa'aliyetchisining oghli saxta pul yasash bilen eyiblendi


2006.05.29

Özbékistan saqchiliri ötken yildiki endijan weqeside qolgha élin'ghan özbék kishilik hoquq pa'aliyetchisining oghlini saxta pul yasash bilen eyiblidi.

Amérika birleshme agéntliqining melum qilishiche, özbékistan da'iriliri 27 yashliq ilham zaynabiddinowni 22‏-may küni qolgha alghan bolup, uni qirghiz we özbék pulini shundaqla saxta marka we höjjetlerni yasash jinayiti bilen eyibligen. Özbékistandiki öktichi "ferghane" tor béti özbékistan saqchi da'irilirining ilhamni uning atisi kishilik hoquq pa'aliyetchisi sa'idaxandin öch élish meqsitide qolgha alghanliqini melum qildi.

Sa'idaxan zaynabiddinow ötken yilidiki 13‏-may endijan qirghinchiliqida chet'el metbu'atlirigha uchur teminligenliki sewebidin, özbékistan hökümiti teripidin döletning asasiy qanun belgilimilirige haqaret we tehdit salghan dégen jinayet bilen eyiblinip, 7 yilliq türme jazasigha höküm qilin'ghan idi.

Özbékistan da'iriliri endijan weqeside 187 kishining ölgenlikini élan qilghan. Emma kishilik hoquq pa'aliyetchiliri ölgen kishiler sanining 700 din ashidighanliqini bildürmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.