Qazaqistan öktichiliri sersanbay'oghlining öltürülüsh weqeside hökümetni eyiblidi


2006-02-14
Share

Qazaqistan naghiz aq yol partiyisining rehbiri düshenbe küni almatada süyqest bilen öltürülgendin kéyin, öktichi partiye yitekchiliri öltürüsh buyruqini qazaqistan hökümet emeldarliri bergen, dep hökümetni eyiblidi. Qazaqistan naghiz aq yol partiyisining rehberlidin altunbék sersenbay'oghli we uning qoghdighuchisi bilen shopurining jesidi düshenbe küni alma'ata sheher sirtidiki bir yol üstide bayqalghan.

Roytérs axbarat agéntliqining xewer qilishiche, ölgüchilerning her biri dümbe we bash qisimidin étip öltürülgen. Bu qazaqistanda yüz bergen öktichi partiye rehberlirining yéqinqi 3 ay ichide 2 - qétim öltürülüsh weqesi bolup hésablinidu.

Qazaqistan naghiz aq yol partiyisining rehberliridin jarmaqan tuyaqbay axbarat élan qilish yighinida, weqeni " bashqilarning buyruqi bilen élip bérilghan wehshilerche qatilliq " dédi. Jarmaqan tuyaqbayning eskertishiche, " sersanbay'oghli we uning hemraliri qolliri baghlan'ghan halda mashina bilen sheher sirtigha élip bérilghandin kéyin, wehshilerche étip tashlan'ghan." Bu yil 43 yashlardiki sarsenbay'oghli 2003 - yilghiche nazarbayéw hökümitide ministir we bash elchi qatarliq wezipilerni ötigen.

Amérikining qazaqistanda turushluq bash elchixanisi arqa - arqidin bayanat élan qilip, weqe üstidin " derhal we üzül - késil" tekshürüsh élip bérishni telep qildi. Elchixana bayanatida, " sersanbay'oghli amérika hökümiti tonuydighan we munasiwet qilishni xalaydighan kishi idi" dep yazghan. Emma hökümet da'iriliri öktichilerning eyiblishini ret qildi. Qazaqistan uchur ministiri yarmuqamet yirtishbayéw, öktichilerni jama'et pikri peyda qilishqa urunush bilen eyibligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet