Қирғизистанда қарасу наһийисиниң бир имами етип өлтүрүлди

Җәнубий қирғизистанниң қарасу наһийисидики әң чоң мәсчитниң имами муһәммәт рәпиқ камалов дүшәнбә күни башқилар тәрипидин етип өлтүрүлди.

Пәрғанә учур агентлиқи рәпиқ қариниң қирғизистан аманлиқ күчлири тәрипидин етип өлтүрүлгән болуши мүмкинликини билдүрмәктә. Униң билән биргә аз дегәндә 2 адәм етип өлтүрүлгән. Қарасу өзбекистан билән чегрилинидиған вә уйғур, өзбек қатарлиқ милләтләр бир қәдәр көп олтурақлашқан наһийиләр һисаплиниду.

Пәрғанә учур агентлиқиниң хәвәр қилишичә, муһәммәт рәпиқ калалов қари дүшәнбә күни қирғиз аманлиқ понкитидин өтүватқанда қирғизистан алаһидә һәрикәт әтрити тәрипидин оққа тутулған. Лекин вәқәниң тәпсили әһвалини илгирлигән һалда ениқлашқа тоғра келидикән.

Рәпиқ қари имамлиқ қилидиған қарасудики чоң мәсчит, йеқинқи йиллардин бери бу райондики һизбул тәқрирниң әзалиридин тартип тәрәққипәрвәр диндарларғичә кәң мусулманлар намаз оқуйдиған җай болуп қалған иди. Һазирчә вәқәниң йүз бериш сәвәби вә қирғиз аманлиқ күчлириниң рәпиқ қариға нимә үчүн оқ чиқарғанлиқи ениқ әмәс.

Буниң бурун рәпиқ қари қирғизистан дөләт бихәтәрлик даирилири тәрипидин бир қанчә қетим сорақ қилинған вә илгири мухбирларға оттура асия әллириниң сияситини тәнқуид қилип, районда хата сиясәт йүргүзүлмәктә, дәп тәкитлигән иди. (Әркин)