Osama bin ladin hélimu afghanistanda bolushi mumkin

Afghanistanning sherqi rayonida pa'aliyet élip bériwatqan amérika qisimlirining qomandani polkownik gari chek, osama bin ladin hélimu afghanistanda yoshurun'ghan bolushi mumkin, didi .

Amérika birleshme agéntliqining xewer qilishiche, gari chek , osama bin ladinning özining herbiy pa'aliyet da'irisi ichidiki afghanistanning pakistan chégrisigha yéqin taghliq rayonda bolushi mumkinlikini bildürdi .

Polkoning chekning éytishiche, nöwette afghanistanning pakistan chégrisigha yéqin taghliq rayonda pa'aliyet élip bériwatqan chet'ellik jengchilerning sani anchila köp emes iken. Lékin jalalidin heqqani qatarliq taliban qomandanlirigha qarashliq jengchilerning sani xili köp bolup, bular amérika herbiy qisimliri üchün eng chong tehdid hésablinidiken.

Osama bin ladin we uning mu'awini eyman elzawahirining afghanistan - pakistan chégrisidiki taghliq rayonda yoshurun'ghanliqi perez qilinmaqta.

Amérika qisimlirining osama bin ladinni tutush we yaki öltürüsh meqsitide afghanistandiki talibanlar hakimiyitige qarshi bashlighan herbiy herikitidin kiyin üch yildin köprek bir waqit ötti. Gerche talibanlar hakimiyiti gumran bolghan bolsimu, amérika esli nishani osama bin ladinni téxiche qolgha chüshürelmidi.

Amérika hökümet emeldarliri osama bin ladinning qaysi yerde ikenlikini bilmeydighanliqini bildürmekte . Lékin, afghanistan prézidénti hamid karzay ötken ayda bergen bayanatida, osma bin ladinning hélimu afghanistan - pakistan chégra rayonida ikenlikini tekitlidi. (Qanat)