Хитай дөләт министири вен җабав қирғизистан вә русийидә зиярәттә болди

Хитай дөләт министири вен җабав, сәйшәнбә күни қирғизистан вә русийә дөләтлиригә қаратқан зияритини башливәтти.

Вен җабав йетәкчиликидики хитай вәкилләр өмики, қирғизистанниң пайтәхти бешкәккә йетип келип, қирғизистан рәһбәрлири билән көрүшти, ройетерс агентлиқиниң бу һәқтә бәргән хәвиридә илгири сүрүшичә, хитай нөвәттә енергийә җәһәттә оттура асия дөләтлири билән болған мунасивәтни йәниму бир қәдәм кеңәйтишкә тиришмақта.

Америка бирләшмә агентлиқиниң хәвиригә қариғанда, вен җабав русийә тәрәп билән икки дөләт иқтисадий һәмкарлиқи һәмдә москваниң дуня сода тәшкилатиға кириш мәсилилири үстидә музакирә елип баридикән, америка бирләшмә агентлиқиниң ашкарлишичә, хитай 2020 - йилидин бурун, руссийиниң енергийә саһәси үчүн 12 милярд америка доллири мәбләғ селишни пилан қилған . (Әқидә)