Ottura asiya rehberliri diniy esebilikning rayondiki tehditini köptürüwetken
2007.07.13
Iran mutexessisliri ottura asiya rehberlirining rayondiki diniy esebiy guruhlarning tehditini köptürüwetkenlikini bildürdi. Iran awazi radi'osining mutexessislerdin neqil keltürüshiche, rayondiki döletler bir tereptin, térrorluqqa qarshi küreshni öktichi küchlerge zerbe bérishning bahanisi qilip qollinish, yene bir tereptin bu döletlerni térrorluqqa qarshi küreshtiki muhim qel'e qilip körsitish meqsitide, diniy esebiy guruhlarning tehditini köptürüp körsitishke tirishmaqta iken.
Iranning ottura asiya mutexessisi pirmuhemmed mullazéxi, taliban we el-qa'idining tesiri küchi sherqiy we jenubiy afghanistandiki peshtunlar rayonida yiltiz tartqanliqini, lékin shimaliy afghanistandiki nopusning köp qisimini tajik, özbék we türkmenler igileydighan rayonlarda taliban tesir küchining chong emeslikini bildürgen.
Uning eskertishiche, taliban we el-qa'ide teshkilatining ottura asiyadiki bezi radikal islami guruhlar bilen munaswiti barliqini inkar qilghili bolmisimu, lékin bezi özbék we tajik jemetlirining özbékistan islam herikiti we hizbi-teqrirge oxshash teshkilatlar bilen bolghan normal alaqisi, rayonda esebiy diniy guruhlarning tehditi kücheygenlikke pakit bolalmaydiken.
Yéqinqi yillardin béri pakistanning weziristan ülkiside yoshurunuwalghan erebler , özbék, chéchen we hetta bir qisim azsandiki Uyghurlar bilen pakistan armiyisi arisida qanliq toqunushlar yüz bergenliki toghrisida xewerler bérilmekte. Tajiksitan we özbékistan dölet mudapi'e ministirliri shir'eli xeyrullayif hem ruslan mirzayiflar ötken ayning axirliri qirghizistanda uchrashqanda islam esli din teriqetchilikining ottura asiyada küchiyiwatqanliqidin endishe qiliwatqanliqini tekitligen idi. (Erkin)
Munasiwetlik maqalilar
- Türkmenistan we afghanistan yéngi turuba yoli yasashni pilanlimaqta
- Shangxey hemkarliq teshkilatigha eza dölet bashliqliri, yéngi kélishimler imzalimaqchi
- Putin ottura asiya rehberliri bilen körüshti
- Yawropa ittipaqi merkiziy asiya döletlirige 12 milyon dollar berdi
- Xitay hökümiti ottura, gherbiy asiya munbiri yighinida "hemkarliship inaq asiya qurush' ni teshwiq qilghan
- Alma-atada, Uyghur muzikilik - shé'ir kéchiliki
- Nazarbayéfning ottura asiya döletliri ittipaqi qurush idiyisi emelge ashamdu?
- Qirghizistandiki weziyet
- Qirghizistan Uyghurliri, xitayning ablikim abduréhimni toqquz yilliq qamaq jazasigha höküm qilghanliqini eyiplimekte