Оттура асия дөләтлири террорға қарши күрәштин пайдилинип өктичиләрни бастурмаслиқи керәк


2007-11-08
Share

Америка ташқи ишлар минстирлиқи террорчилиққа қарши туруш идарисиниң башлиқи дел дели оттура асия дөләтлирини террорчилиққа қарши уруштин сиясий өктичиләрни бастуруш үчүн пайдиланмаслиқ тоғрисида агаһландурди.

Дели 8‏ - ноябир күни бирйосилда азатлиқ радиосиға бәргән баянатида, "әгәр оттура асия дөләтлири террорчилиққа қарши уруштин өз хәлқини бастуруш үчүн пайдилиниватқан болса, бу наһайитиму хата бир һәрикәт. Оттура асия дөләтлиридә, террорчилиқ һәққидә һәқлиқ әндишиләр мәвҗут. Лекин буниң оттура асия дөләтлиридики мусулман аһалиси билән һечқандақ мунасивити болмаслиқи мумкин. Шуниң үчүн биз оттура асия дөләтлиридин өзлириниң мусулман аһалисини террорчилиқниң мәнбәси дәп қаримаслиқини тәләп қилимиз"деди.

Дели, оттура асия дөләтлирини очуқ-ашкара тәнқид қилмиған болсиму, " 2005 йили май ейида өзбекистанниң әнҗан шәһиридә намайишчиларниң өзбекистан бихәтәрлик қисимлири тәрипидин оққа тутулғанлиқи, америкиниң оттура асияға қаратқан сияситидә бир бурулушқа сәвәб болди, вашнгтон кишилик һоқуқниң дәпсәндә қилинғанлиқиға көз юммиди" дәп көрсәтти.

Дели, америкиниң террорчилиққа қарши урушта иттипақдашлири болған оттура асия дөләтлирини очуқ-ашкара тәнқид қилмиған болсиму, лекин дипломатик йоллар арқилиқ, мәзкур дөләтләрдики кишилик һоқуқ дәпсәндичиликлиригә өзиниң наразилиқини ипадилигәнликини, билдүрди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт