Оттура асия райони иқтисадий һәмкарлиқ кеңишиниң йеғини үрүмчидә ечилмақчи


2006.10.02
Share on WhatsApp
Share on WhatsApp

Асия тәрәққият банкисиниң билдүрүшичә, оттура асия райони иқтисадий һәмкарлиқ кеңишиниң 5‏- нөвәтлик минситирлар йеғини 20‏- өктәбир күни үрүмчидә үткүзүлидикән.

Йеғинға афғанистан, әзәрбәйҗан, хитай, қазақистан, қирғизистан, моңғулийә, таҗикистан вә өзбекистандин министирлар қатнишип, оттура асияда һәмкарлиқини күчәйтиш мәсилисини музакирә қилидикән. Хәвәрләргә қариғанда, йеғинға минстирлардин сирт йәнә , хәлқара тәшкилатларниң вәкиллириму қатнишидикән. Йеғинда асия тәрәққият банкисиниң башлиқи һаруһико короданиң оттура асиядики һәмкарлиқ тоғрисида муһим нотуқ сөзләйдиғанлиқи билдүрүлмәктә.

Оттура асия райони иқтисадий һәмкарлиқ кеңиши, йоқирида исми аталған дөләтләр вә 6 хәлқара тәшкилаттин шәкилләнгән бир орган болуп, униң асаслиқ мәқсиди оттура асияда иқтисадий һәмкарлиқни риғбәтләндүрүштин ибарәт. Хәвәрләргә қариғанда, бу қетимқи йеғинда оттура асия иқтисадий һәмкарлиқ кеңишиниң паалийәт пилани, райондики дөләтләр арисидики һәмкарлиқни техиму күчәйтиш қатарлиқ мәсилиләр муһакимә қилинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.