ئىككى نەپەر ئۆزبېك سىياسىي مەھبۇسى قېيىن - قىستاق ئاستىدا ئۆلتۈرۈلگەن
2007.11.22
ئۆزبېكىستاندا پائالىيىتى چەكلەنگەن ئىسلامىي گۇرۇپپىلارنىڭ بىرى بولغان ھىزبى - تەقرىر تەشكىلاتىنىڭ ئەزاسى دېگەن گۇمان بىلەن قولغا ئېلىنغان تاھىر نۇرمۇھەممەدوف ۋە فىترەت سالاھىدىنوف ئىسىملىك 2 ئۆزبېك پۇقراسى تۈرمىدە قيىن-قسىتاقلار نەتىجىسىدە ئۆلگەن. فىترەت سالاھىدىنوفنىڭ جەسىدى 13- نويابىر كۈنى، تاھىر نۇرمۇھەممەدوفنىڭ جەسىدى بولسا 15- نويابىر كۈنى ئائىلىسىگە تاپشۇرۇپ بېرىلگەن.
ئامېرىكا بىرلەشمە ئاگېنتلىقىنىڭ تاشكەنتتىن خەۋەر قىلىشىچە، مەزكۇر ئىككى كىشىنىڭ تۇغقانلىرى ۋە كىشىلىك ھوقۇق پائالىيەتچىلىرى قۇربانلارنىڭ بەدىنىدە قاتتىق تەن جازاسىنىڭ ئالامەتلىرىنى كۆرگەن. قۇربانلار ئۆزبېك ساقچىلىرىنىڭ قاتتىق كونترولى ئاستىدا دەپنە قىلىنغان بولۇپ، ساقچىلار قۇربانلارنىڭ تۇغقانلىرىنىڭ مۇخبىرلار بىلەن سۆزلىشىشىگە رۇخسەت قىلمىغان.
خەۋەرلەرگە قارىغاندا، ئۆزبېكىستاندا بولۇپمۇ كېلەر ئاي ئۆتكۈزۈلىدىغان پرېزىدېنتى سايلىمى ھارپىسىدا، رادىكال دىنىي گۇرۇپپىلارغا ئەزا بولغان دېگەن گۇمان بىلەن قولغا ئېلىنغانلارغا قارىتىلغان بېسىم ۋە قېيىن-قىستاقلار تېخىمۇ كۈچەيگەن.
خەلقئارا كىشىلىك ھوقۇق تەشكىلاتلىرىنىڭ ئىنكاس قىلىشىچە، ئۆزبېكىستاندا سىياسىي مەھبۇسلارغا، بولۇپمۇ دىنىي سەۋەبلەردىن قولغا ئېلىنغانلارغا تەن جازاسى بېرىش ئادەتتىكى بىر ئىشقا ئايلانغان بولۇپ، تۈرمىلەردە قېيىن-قىستاقلار نەتىجىسىدە ئۆلگەنلەرنىڭ سانى كۈنسېرى كۆپەيمەكتە ئىكەن. (ئەقىدە)
مۇناسىۋەتلىك ماقالىلار
- ئۆزبېكىستاندىكى كىشىلىك ھوقۇق دەپسەندىچىلىكلىرى، ب د ت دا سۈرۈشتۈرۈلمەكتە
- ياۋروپا بىرلىكى قىرغىزىستاندا قەست قىلىنغان ژۇرنالىست دېلوسىنى جىددىي تەكشۈرۈشنى تەلەپ قىلدى
- ئامېرىكا ئاۋازى رادىئوسى مۇخبىرى ئەلىشىر سايىپوۋنىڭ ئۆلتۈرۈلۈشى غۇل-غۇلا قوزغىماقتا
- ئامېرىكا قىرغىزىستاندىن سۈيقەستكە ئۇچرىغان مۇخبىرنىڭ قاتىلىنى ئېنىقلاشنى تەلەپ قىلدى
- ياپونلار ئۆزبېكىستاندا ئۇران قازماقچى
- ئۆزبېكىستان -رۇسىيە بىخەتەرلىك دائىرىلىرى داۋاملىق پۈتۈشتى
- ئىسلام كېرىموف نامزاتلىقنى يەنە قولدىن بەرمەيدۇ
- ئۆزبېكىستان خەلقىنىڭ كېلەچەككە بولغان ئۈمىدى
- ئۆزبېكىستاننىڭ ۋەزىيىتى ھەققىدە تۈرلۈك ئانالىزلار مەيدانغا كەلمەكتە
- ئۆزبېكىستان ھۆكۈمىتى خىتاي-تۈركمەنىستان گاز تۇرۇبا لىنىيىسىنى قوللايدۇ
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان