Özbékistan hökümiti xitay-türkmenistan gaz turuba liniyisini qollaydu


2007-07-29
Share

26-Iyul küni özbékistan tashqi ishlar ministiri wladimir norow türkmenistan paytexti ashxabadni ziyaret qilghanda, prézidént qurban'gül berdi muhemmedof bilen körüshüp özbékistan rehbiri islam kerimofning xitay- türkmenistan gaz turuba liniyisining özbékistanni késip ötüshini qollaydighanliqini bildürgen.

Buningdin ikki hepte ilgiri türkmenistan prézidénti berdimuhemmedof béyjingni ziyaret qilghanda xitay rehbiri xu jintaw bilen ikki dölet arisida gaz turuba liniyisi qurush hemde xitayni her yili 30 milyard kub métir gaz bilen teminleshke qoshulghan idi. Bu kélishim eslide seper murat niyazop dewride imzalan'ghan bolup, yéngi türkmen rehbiri bu qétim bu kélishimlerni küchke ige qilghan.

Xitay bilen türkmenistan arisidiki gaz turubisining özbékistan, qazaqistanlar arqiliq we yaki qirghizistan arqiliq Uyghur éligha , uningdin kéyin xitayning ichkiri ölkilirige tutashturulushining mumkinliki heqqide perezler dawamlashmaqta. Uningdin bashqa özbékistan bilen xitaymu 530 kilométirliq gaz turubisi yatquzush heqqide kélishim hasil qilghan bolup, bu qurulushni emelge ashurushta meyli türkmenistan we yaki özbékistan bolsun, bularning her ikkilisi qirghizistan , tajikistan we yaki qazaqistandin ibaret bir dölettin ötmey amal yoq iken.

Özbékistan tashqi ishlar ministiri bilen türkmen rehbiri prézidént islam kerimofning ashxabad ziyaritining kün tertipini muzakire qilghan.

Nöwette, ikki döletning ilgiriki soghuqliship qalghan munasiwetlirining illashqa qarap yüzlen'genliki melum bolmaqta.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet