Қазақистан бир нәпәр өзбек мусапирини б д т көчмән идарисигә тапшурди
2006.08.15
Сәйшәнбә күни, қазақситан һөкүмити 1999- йили өзбекистандин қазақистанға қичип кәлкән бир өзбек пуқрасини бирләшкән дөләтләр тәшкилати мусапирлар йүксәк комисарлиқиниң қазақистандики вәкилигә тапшуруп бәрди.
Бирләшкән дөләтләр тәшкилати мусапирлар йүксәк комисарлиқиниң баянатчиси җенифәр пагонисниң шивитсарийиниң җәнвә шәһиридә мухбирларға бәргән баянатида, қазақистан һөкүмити тәрипидин тапшурулған өзбек пуқраисиниң дәрһал үчинчи бир дөләткә орунлаштурулидиғанлиқини билдүрди.
Исми ашкариланмиған өзбек пуқраси июн ийида өзбекистан һөкүмитиниң тәлипигә асасән қазақистан даирилири тәрипидин қолға елинған иди. Өзбекистан һөкүмити, қазақиситан даирилиридин мәзкур кишини өзбекистанға қайтуруп беришни тәләп қилған. Лекин қазақистан һөкүмити уни өзбекистанға қайтурмай, бирләшкән дөләтләр мусапирлар комитети вәкиллиригә тапшуруп бәргән.
9- Ағуст күни қирғизистан һөкүмити өзбекистан һөкүмитиниң тәлипигә асасән, өзбекистандин қечип қирғизистанда панаһланған вә сиясий панаһлиқ тәләплири бирләшкән дөләтләр тәшкилати мусапирлар комитети тәрипидин қобул қилинған бәш кишини хәлқара җамаәтниң наразилиқиға қаримай,өзбекистанға қайтуруп бәрди.
Өзбекистан һөкүмити бу бәш кишини өткән йили май ийида өзбекистанниң әнҗан шәһиридә һөкүмәткә қарши елип берилған наразилиқ һәрикитигә қатнашқан дәп әйиблимәктә. (Қанат)
Мунасивәтлик мақалилар
- Қирғизистандики бир өзбек паалийәтчиси қолға елинди
- Өзбекистан сабиқ дөләт мудапиә министиригә қамақ җазаси бәрди
- Өзбекистан һөкүмити һөкүмәтсиз тәшкилатларни тақашқа башлиди
- Узбек кишилик һоқуқ паалийәтчисиниң оғли сахта пул ясаш билән әйибләнди
- Өзбекистан кишилик һоқуқ рәһбири әзәмҗанни қолға алди