Qazaqistan bir neper özbék musapirini b d t köchmen idarisige tapshurdi


2006.08.15

Seyshenbe küni, qazaqsitan hökümiti 1999‏- yili özbékistandin qazaqistan'gha qichip kelken bir özbék puqrasini birleshken döletler teshkilati musapirlar yüksek komisarliqining qazaqistandiki wekilige tapshurup berdi.

Birleshken döletler teshkilati musapirlar yüksek komisarliqining bayanatchisi jénifer pagonisning shiwitsariyining jenwe shehiride muxbirlargha bergen bayanatida, qazaqistan hökümiti teripidin tapshurulghan özbék puqra'isining derhal üchinchi bir döletke orunlashturulidighanliqini bildürdi.

Ismi ashkarilanmighan özbék puqrasi iyun iyida özbékistan hökümitining telipige asasen qazaqistan da'iriliri teripidin qolgha élin'ghan idi. Özbékistan hökümiti, qazaqisitan da'iriliridin mezkur kishini özbékistan'gha qayturup bérishni telep qilghan. Lékin qazaqistan hökümiti uni özbékistan'gha qayturmay, birleshken döletler musapirlar komitéti wekillirige tapshurup bergen.

9‏- Aghust küni qirghizistan hökümiti özbékistan hökümitining telipige asasen, özbékistandin qéchip qirghizistanda panahlan'ghan we siyasiy panahliq telepliri birleshken döletler teshkilati musapirlar komitéti teripidin qobul qilin'ghan besh kishini xelq'ara jama'etning naraziliqigha qarimay,özbékistan'gha qayturup berdi.

Özbékistan hökümiti bu besh kishini ötken yili may iyida özbékistanning enjan shehiride hökümetke qarshi élip bérilghan naraziliq herikitige qatnashqan dep eyiblimekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.