Nazarbayéw kerimopning enjandiki basturushigha ijabiy baha berdi


2006.03.22
Share on WhatsApp
Share on WhatsApp

Ottura asiyadiki eng chong dölet hésablinidighan qazaqistan jumhuriyitining prézidénti nursultan nazarbayéw 19-20-mart künliri prézidént islam kerimopning teklipi bilen özbékistanda ziyarette boldi. Tashkent radi'osining uchuridin melum bolushiche, ziyaret jeryanida ikki prézidént qazaqistan –özbékistan munasiwetliri jümlidin chégra mesilisi hem ichki weziyet qatarliqlarni öz ichige alghan bir qatar mesililer boyiche söhbet ötküzgen.

Ottura asiya ittipaqini qurush idiyisining teshebbuskari hésablinidighan nursultan nazarbayéwning bu qétim islam kerimop bilen bu heqte sözleshken-yaki sözleshmigenliki heqqide uchur yoq. Emma, nazarbayéw ötken yilidiki enjan weqesini tilgha élip, özbékistan hökümitining enjanda qollan'ghan chare-tedbirining adil ikenlikini tekitligen.

"Perghane,ru "agéntliqining xewer qilishiche, nursultan nazarbayéw" men shuni bilimenki, enjanda siler 26 milyon özbékistanliqning amanliqini qoghdidinglar, peqet özbékistanliqlarnila emes, belki qazaqistanliqlarni, qirghizistanliqlarni we bu yerde yashawatqan hemmini qoghdidinglar. Razwétka qilishlar arqiliq éniq melum boldiki, teyyarliq körgen esebiy unsurlar özbékistan'gha kirip, silerning weziyitinglarnila emes, belki bizning weziyitimiznimu muqimsizlashturmaqchi bolghan idi" dégen hemde özbékistan hökümitining basturushining toghra bolghanliqini eger undaq qilmighanda pütün rayonning weziyitining muqimsizliship kétidighanliqini körsetken.

Enjan weqesi munasiwiti bilen amérika we bashqa gherb döletliri islam kerimopni qattiq qolluq qilghanliq we tinch puqralar basturghanliq bilen tenqid qilghan shuningdek enjan weqesi üstidin xelq'araliq tekshürüsh élip bérishni telep qilghan bolsimu lékin, islam kerimop buninggha qoshulmighan idi. Netijide, islam kerimop amérika herbiy bazisini taqap, uning ornigha xitay we rusiye bilen bolghan munasiwetni kücheytken.

Nazarbayéwning özbékistan ziyariti bu ikki dölet üchün muhim istratégiyilik ehmiyetke ige bolup, her ikkila dölette öktichilerning démokratiyilishishni ilgiri sürüsh, heqiqiy saylam qilish telepliri künsayin küchlük bolmaqta. Bu jehette ikki prézidént bir-birini qollashqa muhtaj. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.