Tashkent washin'gtondin yiraqliship, moskwagha téximu yéqinlashmaqta

Amérika herbiy bazisini taqighandin kéyin téxi yéqindila rusiye bilen ittipaqdashliq shertnamisi tüzgen özbékistan mana emdi ma'arip jehette rusiye bilen yéngi hemkarliqlarni ornatti. Rusiye hökümiti özbékistan'gha öz mektepliri keng achidighanliqini bildürdi.

Perghane ru. Intérnét uchur merkizining xewer qilishiche, rusiye mu'awin ma'arip ministiri tashkentte ötküzülgen rusiye aliy ma'arip körgezmisining yépilish murasimida rusiye aliy mekteplirining ilgiri özbékistan'gha qoyghan cheklimilirini bikar qilip, kéler mewsümdin étibaren özbékistanliq oqughuchilarni köplep qobul qilidighanliqini élan qildi.

Rusiye emeldari öz sözide hazir rusiyide 6000 özbékistanliq oquydighanliqini, buningdin kéyin bu sanning bir qanche hesse köpiyidighanliqini eskertken. Bu qétim özbékistan we rusiye aliy mektepliri arisida 50din artuq hemkarliq kélishimliri tüzülgen.

Islam kerimopning amérika bilen bolghan munasiwiti yirikleshkendin kéyin, u xitay we rusiye bilen bolghan munasiwetlerni kücheytken bolup, hetta yéngi xewerlerge qarighanda tashkent da'iriliri 1995-yilidin étibaren özbékistanda pa'aliyet élip bériwatqan hökümetke béqinmaydighan teshkilat " amérika adwokatlar jem'iyitini" sotqa tapshurup, ularni qanunsizliq bilen eyiblep taqiwétidighanliqini bildürgen.(Ümidwar)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar