Özbék pa'aliyetchisini, özbékistan'gha qayturup bergen rus ofitsér jazalandi


2007-05-26
Share

Moskwa sheherlik sot mehkimisi, rusiyidin siyasiy panahliq telep qilghan bir özbék pa'aliyetchisini özbékistan'gha qayturup bérish toghrisida buyruq chüshürgen rus saqchi xadimini, qanun'gha xilapliq qilghan dep eyiblep, jerimane töleshke höküm qildi.

Moskwa chet'el puqralirini tutup turush merkizining bashliqi bolghan sérgi grasimof, ötken yili öktebir éyida birleshken döletler teshkilati musapirlar idarisidin siyasiy panahliq telep qilghan rustem möminofni, b d t musapirlar idarisi we rusiye kishilik hoquq teshkilatlirining naraziliqlirigha qarimay, özbékistan hökümitige tapshurup bérish toghrisida buyruq chüshürgen iken.

Rustem möminof 2005‏- yili may éyida özbékistanning enjan shehiride yüz bergen basturush herikitidin kéyin, özbékistandin qéchip rusiyide panahlan'ghan. Rusiye teripidin özbékistan'gha qayturup bérilgendin kéyin, özbékistan hökümiti möminofni hizbul tehrir partiyisining ezasi dep eyiblep, uni besh yérim yilliq qamaq jazasigha höküm qilghan.(Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet