Ислам керимоф намзатлиқни йәнә қолдин бәрмәйду


2007-09-18
Share

Өзбекистан мәтбуатлирида президент сайлиминиң 23 - декабир рәсмий башлинидиғанлиқи һәққидә хәвәрләр елан қилинмақта.

Франсийә агентлиқиниң сәйшәнбә ташкәнттин хәвәр беришичә,өзбекистан җумһурйитидә бу йил 23 - декабир елип берилидиған президент сайлимида , ислам керимофниң йәнила президент намзатлиқини қолдин бәрмәслик еһтималлиқи күчлүк икән.

Кәримоф таки өзбекистан мустәқил болмиған 1989 - йилидин тартип һакимийәт күчини сақлап кәлмәктә. У бу мәзгилдә советләр иттипақиниң өзбекистанға тәйинлигән биринчи қол компартийә секритари иди. Өзбекистан мустәқиллиқини алған 1991 - йилидики тунҗи президент сайлимида утуп чиққандин кейин 1995 - йили һәм 2000 ‏- йиллиридики президент сайлимидиму орнини сақлап қалған һәм өзбекистанниң бәш йилда бир елип берилидиған сайлам қануниға өзгәртиш киргүзүп өзбекистан президент сайлимини йәттә йилда бир елип берилидиған қилип өзгәрткән.

Әслидә ислам кәримофниң президентлиқ вәзиписини өтиши өткән йили январда ахирлишиши керәк иди. Һәр йәттә йилда бир елип берилишқа өзгәртилгән қанун буйичә бу қетимлиқ президент сайлими 23 ‏- декабир өткүзилиду. Президент кәримоф өзбекистандики өзигә қарши өктичи күчләрни қаттиқ бастуруш сияситини давам қилип кәлмәктә.

Оттура асиядики диктатор һесабланған ислам кәримоф , 2005 - йили әнҗанда өз хәлқи үстидин елип барған қирғинчилиқи билән хәлқара җәмийәтниң қаттиқ тәнқидигә учриған. Ислам кәримоф йәнә хитай билән террорчилиққа ортақ зәрбә бериш келишими астида һәр җәһәттики һәмкарлиқини күчәйтип бармақта.

Өзбекистан һөкүмити уйғур паалийәтчиси һүсәйин җелилни2006 - йили мартта өзбекистанда зиярәттә болуватқинида тутуп ,хәлқара җәмийәтниң қаршилиқиға қаримай хитайға тапшуруп бәргән иди. Һөсәйин җелил хитайда муддәтсиз қамақ җазасиға һөкүм қилинди. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт