Islam kérimof namzatliqni yene qoldin bermeydu


2007-09-18
Share

Özbékistan metbu'atlirida prézidént saylimining 23 - dékabir resmiy bashlinidighanliqi heqqide xewerler élan qilinmaqta.

Fransiye agéntliqining seyshenbe tashkenttin xewer bérishiche,özbékistan jumhuryitide bu yil 23 - dékabir élip bérilidighan prézidént saylimida , islam kérimofning yenila prézidént namzatliqini qoldin bermeslik éhtimalliqi küchlük iken.

Kerimof taki özbékistan musteqil bolmighan 1989 - yilidin tartip hakimiyet küchini saqlap kelmekte. U bu mezgilde sowétler ittipaqining özbékistan'gha teyinligen birinchi qol kompartiye sékritari idi. Özbékistan musteqilliqini alghan 1991 - yilidiki tunji prézidént saylimida utup chiqqandin kéyin 1995 - yili hem 2000 ‏- yilliridiki prézidént saylimidimu ornini saqlap qalghan hem özbékistanning besh yilda bir élip bérilidighan saylam qanunigha özgertish kirgüzüp özbékistan prézidént saylimini yette yilda bir élip bérilidighan qilip özgertken.

Eslide islam kerimofning prézidéntliq wezipisini ötishi ötken yili yanwarda axirlishishi kérek idi. Her yette yilda bir élip bérilishqa özgertilgen qanun buyiche bu qétimliq prézidént saylimi 23 ‏- dékabir ötküzilidu. Prézidént kerimof özbékistandiki özige qarshi öktichi küchlerni qattiq basturush siyasitini dawam qilip kelmekte.

Ottura asiyadiki diktator hésablan'ghan islam kerimof , 2005 - yili enjanda öz xelqi üstidin élip barghan qirghinchiliqi bilen xelq'ara jemiyetning qattiq tenqidige uchrighan. Islam kerimof yene xitay bilen térrorchiliqqa ortaq zerbe bérish kélishimi astida her jehettiki hemkarliqini kücheytip barmaqta.

Özbékistan hökümiti Uyghur pa'aliyetchisi hüseyin jélilni2006 - yili martta özbékistanda ziyarette boluwatqinida tutup ,xelq'ara jem'iyetning qarshiliqigha qarimay xitaygha tapshurup bergen idi. Höseyin jélil xitayda muddetsiz qamaq jazasigha höküm qilindi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet