Özbékistandiki Uyghurlar téximu köp hoquq telep qilmaqta

Birleshken döletler teshkilati insanperwerlik ishliri ishxanisining bildürüshige qarighanda, özbékistandiki Uyghurlar, siyasiy hoquqlirining kemchillikidin hökümetke bolghan naraziliqi ashmaqta.

Mezkur organningcharshenbe küni tashkenttin xewer qilishiche, özbékistan hökümiti bolupmu 11 - séntebir weqesidin kéyin, xitay hökümitining bésimi bilen özbékistandiki Uyghurlargha qaratqan kontrolluqni kücheytken. Uyghurlarni xizmette chetke qéqipla qalmastin, belki Uyghurlarning her qandaq siyasiy, kishilik hoquq teshkilatliri qurushigha yol qoymighan.

Xewerde éytilishiche, özbékistandiki Uyghur medeniyet jem'iyitining re'isi sultan murat, bashqa ottura asiya döletlirige qarighanda özbékistandiki Uyghurlarning téximu köp cheklimige uchraydighanliqini, hökümetning peqet ularni medeniyet sahesidila pa'aliyet élip bérishigha yol qoyidighanliqini bildürgen.

U yene, Uyghur tili we medeniyitini saqlap qélish üchün, özbékistan Uyghur medeniyet merkizining ottura asiyadiki bashqa Uyghur medeniyet merkezliri bilen alaqini kücheytkenliki we shundaqla Uyghurlar olturaqlashqan bir qanche yerlerde tarmaq organlirini échip, Uyghur tilidin ders bérishke bashlighanliqini körsetken.

Özbékistanda uzundin buyan Uyghurlar köplep olturaqlashqan bolsimu, emma özbékistan hökümiti Uyghurlarning éniq sani heqqide melumat élan qilip baqmidi. Xewerde iytilishiche, nurghun Uyghurlar özbékistan hökümitining bésimidin qorqup, özining kimlikini ashkarilashtin ensireydiken.(Arzu)