Amérika özbékistandiki herbi bazisini kücheytmekchi boldi


2004-08-19
Share

Amérika hökümiti chet'eldiki qoshunlirini qayta orunlashturush pilani boyiche, özbékistandiki herbi bazisini kücheytmekchi boldi.

Amérika birleshme axbarat agéntliqining xewirige qarighanda, amérikining bir neper yuqiri derijilik dölet mudapi'e emeldari, amérika hökümitining yawropadiki qoshunlirini chékindürüsh bilen bir waqitta, özbékistan'gha oxshash bir qisim yéngi ittipaqdash döletliridiki herbi küchini ashuridighanliqini bildürgen.

11 - Séntebir weqesidin kiyin, amérika afghanistandiki herbi heriketlerni közde tutup, özbékistanning xan abad hawa armiye bazisida qoshun turghuzghan. Nöwette bu bazida 1000 dek amérika eskiri mewjut.

Amérika birleshme axbarat agéntliqining bildürüshiche, bir qisim analizchilar we öktichi siyasiyonlar amérikining bu pilanining özbékistandiki hökümet bilen islami küchliri arisidiki ziddiyetni ötkürleshtüriwétishi momkinlikini körsetmekte.

Ularning éytishiche,nurghun özbékler amérikining özbékistan'gha téximu köp qoshun kirgüzishini, amérika hökümitining özbékistandiki diktator hökümetni qollaydighanliqining bir ipadisi dep qaraydighanliqi üchün, bu özbékler arisida, amérikigha qarshi keypiyatni kücheytidiken. Shundaqla islamiy küchlirining téximu köp hujumlarni qozghishini keltürüp chiqirishi mumkin iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet