Өзбекистанда азадлиқ радиосиниң мухбири 6 ай қамақ җазасиға һөкүм қилинди


2005.08.29
Share on WhatsApp
Share on WhatsApp

Франсийә агентлиқиниң хәвәр қилишичә, өзбекистанниң нәмәнган шәһәрлик соти 26 - авғуст күни, америка дөләт мәҗлисиниң башқурушидики азадлиқ радиосиниң мухбири насир закирофни һөкүмәт әмәлдарини һақарәтлигән дәп алтә айлиқ қамақ җазасиға һөкүм қилған.

Хәвәрдә ейтилишичә, сабиқ бирлик партийисиниң актип әзаси болған закироф, 1990 - йиллирида сиясий паалийәтлири түпәйлидин бир йил түрмидә ятқан икән.

Закирофниң адвокати әргәшофниң билдүрүшичә, сот закирофни, өзбекистан бихәтәрлик идариси нәмәнган шөбисиниң алий дәриҗилик бир хадими билән өткүзгән сөһбитидә уни һақарәтлигән дәп әйиблигән.

Лекин закирофниң оғли заһид закирофниң ейтишичә, өзбекистан һөкүмәт әмәлдарлири дадисиниң радио арқилиқ май ейида әнҗан шәһиридә йүз бәргән қанлиқ бастуруш һәққидә йезилған бир шеирни елан қилғанлиқидин ғәзәпләнгән.

Франсийә агентлиқиниң хәвәр қилишичә, президент ислам керимоф һөкүмити 13 - май күни әнҗан шәһиридә йүз бәргән вәқәләрдин кейин, өзбекистан мәтбуати үстидики бесимни техиму күчәйткән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт