Yawrupa ittipaqi, özbékistan'gha qarita imbargo yolgha qoydi

Yawrupa ittipaqi, düshenbe küni may éyida enjanda yüz bergen basturush herikiti toghrisida tekshürüsh élip bérilishini ret qilghanliqi üchün, özbékistan'gha qarita qoral imbargosi yolgha qoyup, özbékistan bilen yawrupa ittipaqi otturisidiki hemkarliq kélishimini tonglatti.

Yawrupa ittipaqigha eza döletlerning tashqi ishlar ministirliri shundaqla, enjandiki basturushta mes'uliyiti bar özbék hökümet emeldarlirining yawrupa ittipaqi döletlirige kirishike ruxset bérilmeydighanliqini bildürdi.

Amérika birleshme agéntliqining xewer qilishiche, yawrupa ittipaqi xadimliri, özbékistan hökümiti enjanda yüzbergen basturush toghrisida xelq'araliq bir tekshürüsh élip bérilishi toghrisidiki teleplerni ret qilghanliqi üchün, yawrupa ittipaqining bundaq bir qarar alghanliqini bildürdi.

Merkizi amérikidiki xelq'ara kishilik hoquqni küzitish teshkilati, yawrupa ittipaqining özbékistan'gha qarita qoral imbargosi yolgha qoyush we shundaqla özbékistan bilen hemkarliq kélishimini tonglitish qararini medhiyilep, yawrupa ittipaqining bu qarari, 13 - may küni özbékistandiki wehshi basturushni éniqlash toghrsi'ida xelq'arada élip bériliwatqan pa'aliyetlerni téximu tézlitidu, dédi. (Qanat)