Özbékistanda öktichi partiye rehbiri qolgha élindi

Özbékistan hökümiti, özbékistan kün nuri birleshmisining re'isi we paxta tijaretchisi senjer ömerofni, oghriliq qilish bilen eyiblep, qolgha aldi.

Kün nuri birleshmisining ezasi we erkin déhqanlar partiyisining re'isi nigara hidayetowa,, tashkentdin téléfon arqiliq roytérs agéntliqigha bergen bayanatida, senjer ömerofning shenbe küni kechte qolgha élin'ghanliqini bildürgen.

Roytéris agéntliqining xewer qilishiche, ömerof, özbékistan hökümiti enjandiki qozghilangni qanliq basturghandin kéyin, prézidént kérimofni tenqid qilip, özbékistan xelqini özining teshkilatigha qétilishqa chaqirghan iken.

Kün nuri birleshmisining bildürüshiche, ömerof ötken hepte tashkentni ziyaret qilghan rusiye tashqi ishlar minsitiri sirgi lawrofqa bir xet yézip uningdin özbékistandiki siyasiy öktichilerge yardem qilishini telep qilghandin kéyin, qolgha élin'ghan. Lékin köpchilikke melum bolghandek, rusiye we xitay, kérimof hakimiyitining enjan shehiridiki basturushni qollighan idi. Kün nuri birleshmisi bu yil april éyida qirghizistanda esqer aqayif hakimiyiti xelq teripidin aghdurulghandin kéyn qurulghan bolup, özbékistanda siyasiy we iqtisadiy islahat élip bérilishni terghip qilmaqta.(Qanat)