Өзбекистанда өктичи партийә рәһбири қолға елинди


2005.10.24

Өзбекистан һөкүмити, өзбекистан күн нури бирләшмисиниң рәиси вә пахта тиҗарәтчиси сәнҗәр өмәрофни, оғрилиқ қилиш билән әйибләп, қолға алди.

Күн нури бирләшмисиниң әзаси вә әркин деһқанлар партийисиниң рәиси нигара һидайәтова,, ташкәнтдин телефон арқилиқ ройтерс агентлиқиға бәргән баянатида, сәнҗәр өмәрофниң шәнбә күни кәчтә қолға елинғанлиқини билдүргән.

Ройтерис агентлиқиниң хәвәр қилишичә, өмәроф, өзбекистан һөкүмити әнҗандики қозғилаңни қанлиқ бастурғандин кейин, президент керимофни тәнқид қилип, өзбекистан хәлқини өзиниң тәшкилатиға қетилишқа чақирған икән.

Күн нури бирләшмисиниң билдүрүшичә, өмәроф өткән һәптә ташкәнтни зиярәт қилған русийә ташқи ишлар минситири сирги лаврофқа бир хәт йезип униңдин өзбекистандики сиясий өктичиләргә ярдәм қилишини тәләп қилғандин кейин, қолға елинған. Лекин көпчиликкә мәлум болғандәк, русийә вә хитай, керимоф һакимийитиниң әнҗан шәһиридики бастурушни қоллиған иди. Күн нури бирләшмиси бу йил април ейида қирғизистанда әсқәр ақайиф һакимийити хәлқ тәрипидин ағдурулғандин кейн қурулған болуп, өзбекистанда сиясий вә иқтисадий ислаһат елип берилишни тәрғип қилмақта.(Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.