Америка, өзбекистан даирилириниң өктичи партийә рәһбирини қолға алғанлиқиға көңүл ‎бөлмәктә


2005-11-02
Share

‎ Америкидики икки парламент әзаси сәйшәнбә күни дөләт парламентиға қарар лайиһиси ‎сунуп, америка һөкүмитиниң өзбекистан даирилиридин қолға елинған өктичи партийә ‎рәһбири сәнҗәр өмәроф адил муамилә қилиниши вә кишилик һоқуқиниң қоғдилишини тәләп ‎қилишини сориди. ‎

‎ Нйойорк вақти гезитиниң хәвиригә қариғанда, америка кеңәш палатасиниң көп ‎санлиқлар рәһбири бил фирст билән ташқи мунасивәтләр комитетиниң рәиси ричард лугер бу ‎қарар лайиһисини түзүп чиққан. Бу америкиниң сәнҗәр өмәрофниң вәзийитигә интайин ‎көңүл бөливатқанлиқиниң бир бишарити һисаблинидикән. ‎

‎ Өзбекистан күн нури бирләшмисиниң рәиси вә пахта тиҗарәтчиси сәнҗәр өмәроф 10 - айниң ‎‎22 - күни өзбекистан даирилири тәрипидин " парихорлуқ вә баҗдин қечиш" җинайити билән ‎әйиблинип, қолға елинған. Хәлқара җәмийәт униң сиясий сүйқәсткә учриған болуши ‎мумкинлики һәмдә униң түрмидә хорлинишидин әнсиримәктә. ‎

‎ Бу арида, хәлқара кишилик һоқуқни күзитиш тәшкилати баянат елан қилип, сәнҗәр ‎өмәрофниң саламәтликиниң интайин начарлиқини, дәрһал давалинишқа муһтаҗ икәнликини ‎билдүрди. ‎

‎ Сәнҗәр өмәроф йитәкчиликидики күн нури бирләшмиси, һөкүмәтниң әнҗан вәқәсини қанлиқ ‎бастурушини әйиблигән. Бу тәшкилат шундақла өзбекистанда сиясий вә иқтисадий ислаһат ‎елип беришни тәрғип қиливатқан аммивий тәшкилат иди. (Арзу)‎

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт