Amérika, özbékistan da'irilirining öktichi partiye rehbirini qolgha alghanliqigha köngül ‎bölmekte


2005-11-02
Share

‎ Amérikidiki ikki parlamént ezasi seyshenbe küni dölet parlaméntigha qarar layihisi ‎sunup, amérika hökümitining özbékistan da'iriliridin qolgha élin'ghan öktichi partiye ‎rehbiri senjer ömerof adil mu'amile qilinishi we kishilik hoquqining qoghdilishini telep ‎qilishini soridi. ‎

‎ Nyoyork waqti gézitining xewirige qarighanda, amérika kéngesh palatasining köp ‎sanliqlar rehbiri bil first bilen tashqi munasiwetler komitétining re'isi richard lugér bu ‎qarar layihisini tüzüp chiqqan. Bu amérikining senjer ömerofning weziyitige intayin ‎köngül böliwatqanliqining bir bishariti hisablinidiken. ‎

‎ Özbékistan kün nuri birleshmisining re'isi we paxta tijaretchisi senjer ömerof 10 - ayning ‎‎22 - küni özbékistan da'iriliri teripidin " parixorluq we bajdin qéchish" jinayiti bilen ‎eyiblinip, qolgha élin'ghan. Xelq'ara jem'iyet uning siyasiy süyqestke uchrighan bolushi ‎mumkinliki hemde uning türmide xorlinishidin ensirimekte. ‎

‎ Bu arida, xelq'ara kishilik hoquqni küzitish teshkilati bayanat élan qilip, senjer ‎ömerofning salametlikining intayin nacharliqini, derhal dawalinishqa muhtaj ikenlikini ‎bildürdi. ‎

‎ Senjer ömerof yitekchilikidiki kün nuri birleshmisi, hökümetning enjan weqesini qanliq ‎basturushini eyibligen. Bu teshkilat shundaqla özbékistanda siyasiy we iqtisadiy islahat ‎élip bérishni terghip qiliwatqan ammiwiy teshkilat idi. (Arzu)‎

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet