Özbékistan hökümiti siyasiy öktichi hidayetowani qolgha aldi


2005.12.19
Share on WhatsApp
Share on WhatsApp

Özbékistan bixeterlik xadimliri, özbékistandiki siyasiy öktichilerning eng muhim rehberlirining biri hésablan'ghan, nadire hidayetowani qolgha aldi.

Ro'étiris agéntliqining hidayetowaning singlisi nigare ning sözini neqil keltürüshiche, özbékistan kün nuri ittipaqining muhim ezasi hidayetowa, tashkent ayrodromida ru'isyidin özbékistan'gha qaytip kélishide qolgha élin'ghan.

Özbékistandiki siyasiy öktichilerning biri bolghan hidayetowaning singlisi nigarening yoldishi aripjan aydin noyabir éyida qazaqistanda ikki kishi teripidin öltürülgen idi.

Xewerlerge qarighanda, umu siyasiy jinayetlerning qorbanigha aylan'ghan idi. U, rusiyide özbékistan prézidénti islam kérimofning siyasitini qattiq tenqid qilip, uninggha qarshi heriket élip barghan.

May éyida enjan shehiride élip bérilghan namayishni qanliq basturghan kérimof hökümiti, bu weqedin kéyin, hökümetning bu basturushini tenqid qilghan kishilik hoquq pa'aliyetchiliri, zhurnalistlar we siyasiy öktichilerni türlük usullar bilen tutup, qamawatidu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.