Өзбекистан америкидин ярдәм алған бир демократик тәшкилатни пичәтлиди

• 
  2006-01-13

Өзбекистан даирилири америкиниң ярдимигә еришип келиватқан " әркинлик өйи" намлиқ бир тәшкилатни пичәтлиди. Ройтерс ахбарат агентлиқиниң хәвәр қилишичә, өзбекистан даирилири мәзкур тәшкилатни рухсәтнамә алмай туруп кишиләрни интернет мулазимити билән тәминлиди, дәп әйиблигән.

"Әркинлик өйи" америкидики тәсири чоң кишилик һоқуқ органлириниң бири. Өзбекистан әркинлик өйи мәзкур тәшкилатниң ярдимигә еришип кәлмәктә иди. Өткән йили 5 - айда партлиған әнҗан вәқәсидин кейин, өзбекистанда тәрәпсиз мәтбуатлар вә чәтәлниң ярдими астидики аммиви тәшкилатларни бастуруш күчәйтилмәктә. Америка әркинлик өйиниң өзбекистанға мәсул дриктори бранко сесто, " қолимиздин келидиған тиришчанлиқимизни давамлаштуруп, наразилиқимизни билдүримиз" деди. Униң тәкитлишичә, ташкәнт шәһәрлик сот мәһкимиси әркинлик өйиниң барлиқ паалийәтлирини тохтитишни буйриған.

Бранко сеско, өзбекистанда "йеқинқи 6 айдин бери кишилик һоқуқ вәзийити вә аммиви җәмийәтләрниң әһвали кишини қайғуға салиду " дәйду. Әнҗан вәқәсидин кейин б б с ниң ташкәнт ишханиси тақиветилди. Әркин явропа радиоси мухбирлириниң рухсәтнамилири бикар қилинған. Шуниң билән биргә икки америка аммиви тәшкилатиниң өзбекистандики ишханиси, сот мәһкимиси тәрипидин тақалған.

Президент кәримов, ислам әсәби күчлиригә қарши күрәш қиливатқанлиқини тәкитлигән болсиму, бирақ тәрәпсиз көзәткүчиләр, уни сияси, иқтисади җәһәттә бастуруш сиясити йүргүзүш билән әйиблимәктә. (Әркин)