Өзбекистан һөкүмити өктичи бай сәнҗәр өмәрофни 13 йиллиқ түрмигә ташлиди


2006.02.24

Өзбекистан соти 24‏- феврал күни, пахта вә нефит содигири болған өзбекистан күн нури һәрикитиниң рәһбири сәнҗәр өмәрофни иқтисадий җинайәт садир қилған дәп әйибләп 13 йил қамақ җазасиға һөкүм қилди. Лекин, кишилик һоқуқ паалийәтчилири, өмәрофниң сиясий сәвәбләр билән түрмигә ташланғанлиқини билдүрмәктә.

Өткән йили май ейида әнҗан шәһиридә елип берилған наразилиқ һәрикитини қанлиқ бастурған өзбекистан һөкүмити, һазирғичә мәзкур һәрикәт билән четишлиқ дәп 180‏ кишини узун йиллиқ қамақ җазалири билән җазалиди.

Ройтерс агентлиқиниң хәвәр қилишичә, өмәроф әнҗандики вәқәләргә қатнашқан дәп әйибләнмигән. Әмма өткән йили өктәбир ейида әнҗандики вәқәләр түпәйлидин президент слам керимофни тәнқид қилғандин кейин қолға елинған иди.

Өмәрофниң сотиға қатнашқан өзбек кишилик һоқуқ паалийәтчиси сурәт икрамофниң ейтишичә, сот қарариниң өзбекистан һакимийитиниң юқири қатлимидикиләр тәрипидин бекитилгәнликини ениқ икән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.