Özbékistan hökümiti öktichi bay senjer ömerofni 13 yilliq türmige tashlidi


2006.02.24

Özbékistan soti 24‏- féwral küni, paxta we néfit sodigiri bolghan özbékistan kün nuri herikitining rehbiri senjer ömerofni iqtisadiy jinayet sadir qilghan dep eyiblep 13 yil qamaq jazasigha höküm qildi. Lékin, kishilik hoquq pa'aliyetchiliri, ömerofning siyasiy sewebler bilen türmige tashlan'ghanliqini bildürmekte.

Ötken yili may éyida enjan shehiride élip bérilghan naraziliq herikitini qanliq basturghan özbékistan hökümiti, hazirghiche mezkur heriket bilen chétishliq dep 180‏ kishini uzun yilliq qamaq jazaliri bilen jazalidi.

Roytérs agéntliqining xewer qilishiche, ömerof enjandiki weqelerge qatnashqan dep eyiblenmigen. Emma ötken yili öktebir éyida enjandiki weqeler tüpeylidin prézidént slam kérimofni tenqid qilghandin kéyin qolgha élin'ghan idi.

Ömerofning sotigha qatnashqan özbék kishilik hoquq pa'aliyetchisi sur'et ikramofning éytishiche, sot qararining özbékistan hakimiyitining yuqiri qatlimidikiler teripidin békitilgenlikini éniq iken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.