Özbékistan b d t ning bu dölettiki musapirlar ishxanisini taqidi


2006.03.21
Share on WhatsApp
Share on WhatsApp

B d t musapirlar idarisining düshenbe küni ashkarilishiche, özbékistan hökümiti mezkur organning bu dölettiki ishxanisini bir ay ichide élip chiqip kétishni telep qilghan.

B d t musapirlar idarisining bayanatchisi astrid fon géndérén stortning eskertishiche, ular özbékistan da'irilirining bu heqtiki bir höjjitini tapshuruwalghan bolup, höjjette ulargha bu dölettiki musapirlar ishxanisini " bir ay ichide taqashni" buyruq qilghan.

Stort, özbékistan da'irilirining herikitidin "heyran qalghanliqini" we bu ehwalning " nahayiti az körülidighan" hadise ikenlikini bildürdi. Uning eskertishiche, adette bezi hökümetler melum kishilerni chigridin qoghlap chiqarsimu, emma pütün bir organni taqiwétish az uchraydighan ehwal hésablinidiken. B d t musapirlar idarisi, özbékistan tashqiy ishlarministirliqining ulargha bu organning özbékistandiki wezipisi axirlashti, dégenlikini bildürdi.

Musapirlar idarisi özbékistan da'irilirining sözini neqil keltürüshiche, kerimow hökümiti "bu organ özining wezipisini tamamlidi. Uning özbékistanda dawamliq turushining hajiti qalmighanliqini közde tutup, tashqiy ishlar ministirliqi b d t musapirlar idarisining bir ay ichide tashkenttiki ishxanisini taqashni telep qilidu " dégen. Nöwette musapirlar idarisining özbékistandiki xizmiti asasliqi afghanistandin qéchip kelgen 2000 dek musapirning turalghu mesilisini hel qilish idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.