Özbékistan kishilik hoquq rehbiri ezemjanni qolgha aldi


2006.05.01

Özbékistan hökümiti düshenbe küni, özbékistandiki ataqliq kishilik hoquq pa'aliyetchisi we özbékistan kishilik hoquq jem'iyitining re'isi ezemjan fermanofni saxtipezlik qilmishi bilen qolgha alghanliqini bildürdi. Lékin fermanofning qollighuchiliri, hökümetning uni siyasiy seweblerdin qolgha alghanliqini tekitlimekte.

Özbékistan ichki ishlar ministirliqining bildürüshiche, fermanof yekshenbe küni özbékistanning gülistan shehiride qoymichiliqtin tapqan pulni éliwatqan mezgilde qolghan ilin'ghan.

Özbékistan ichki ishlar ministirliqi élan qilghan bayanatida, ezemjan fermanofning gunahini étirap qilghanliqini tekitlep, kishilik hoquq teshkilatlirining uning siyasiy seweblerdin qolghan élin'ghanliqi toghrisidiki shikayetlirini ret qildi. Emma, özbékistan kishilik hoquq jem'iyiti düshenbe küni élan qilghan bayanatida, ezemjan fermanofning, yéqinda yézip élan qilghan "dozaqdiki déhqanlar" namliq maqalisi tüpeylidin qolgha élin'ghanliqini bildürdi. Mezkur maqalide özbékistan hökümitining, özbékistanning jizaq rayonidiki paxta tériydighan déhqanlarning hoquqini qandaq depsende qiliwatqanliqi otturigha qoyulghan.

Özbékistan dunyada eng köp paxta éksport qilidighan dölet bolup, hökümet déhqanlarni paxta térishqa zorlap, ularning mehsulatlirini erzan bahada sétiwalidiken.

Özbékistan prézidénti islam kerimof, ötken yili may éyida enjan shehiridiki hökümetke qarshi naraziliq namayishi özbékistan hökümiti teripidin qanliq basturulghandin kéyin, özbékistandiki ammiwiy teshkilatlar we siyasiy öktichi pa'aliyetlerge qaratqan basturush herikitini téximu kücheytti. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.