Yawropa ittipaqi özbékistan metbu'atini yaxshilash üchün heriket bashlidi


2007-02-22
Share

Yawropa ittipaqi özbékistanning "metbu'at erkinliki" xizmitini yaxshilash üchün alahide bir heriket bashlidi.

Amérika birleshme agéntliqining peyshenbe küni bergen xewirige qarighanda, özbékistanda élip bérilidighan "metbu'at erkinliki" dégen témidiki mezkur programmigha bir milyon 300 ming dollar meblegh ajritilghan bolup, özbékistandiki 600 neper axbarat xadimi, 300 neper aliy mektep oqughuchisi we 150 neper hökümet bayanatchisi 3 yildin artuq waqit terbiyilinidiken.

Yawropa ittipaqi we gérman hökümet xadimliri "bu programma özbékistan bilen yawropa ittipaqi otturisidiki hemkarliqning kücheygenlikining bir ipadisi" dégen, biraq ular özbékistanda metbu'at erkinlikining tereqqiyati üchün, intayin köp küch serp qilish kéreklikini otturigha qoydi.

Xelq'ara jama'et, özbékistanni metbu'at erkinlikini qattiq kontrol qiliwatqan döletlerning biri dep eyiblesh bilen birge, ularning 2005 ‏- yili yüz bergen "enjan weqesi" ni pash qilghan we amérikining himayisige érishken metbu'atlarni cheklesh qilmishini tenqidlidi.

Özbékistan, metbu'at erkinlikige éghir derijide tosqunluq qilip kelgen döletlerning biri hésablinidu. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet