Özbékistanda sergerdanlar köpeymekte


2007-03-11
Share

Amérika awazi özbékche xewerliridin melum bolishiche, yéqinqi yillardin buyan özbékistan jem'iyitide öy makansiz, ishsiz kembeghel musapirlarning sani pewqul'adde köpiyiwatqan bolup, her qaysi sheherliridiki kocha koylarda tünewatqan sergerdanlarni nahayiti köp uchritish mumkin .

Muxbirning özbékistandiki kocha koylarni makan tutup, exletler arisidin ozuq izdep yürgen bir ayalning sözini neqil keltürüshiche " hazir özbékistanda exlet térip, kishilerdin sadiqe tilep, kochilarda yétip qopop yürgen kishiler özbékistanda adettiki bir ishqa aylan'ghan."Eger ular néme sewebtin bu xil qattiq kün'ge qéliwatqanliqi heqqide parangliship qalsa téximu yaman künlerge qélishi mömkin."

Özbékisatning tashkent kochilirida sersane yashawatqan bir xarezimlik kishi muxbirgha özlirige oxshash kishilerning özbékistan hökümitidin her qandaq yardemge érishishtin ümidini örgenlikini éytqan.

Xewerde körsitilishiche , özbékistanda sergerdanlarning barghanche köpiyishi hemde ularning barghanche éghir künlerge qélishigha özbékistan musteqil bolghandin buyan hökümet kembeghellerge we ishsizlargha yardem bérish heqqide héchqandaq höjjet yaki qarar almighan bolup shu seweblik hetta bezi ishsiz yardemsiz qalghan xelq rossiye bashqa ellerge köchmen bolmaqta iken. Bolupmu özbékistan da'irliri teripidin siyasiy gumandar bilen qolgha élin'ghan yaki ishtin qaldurulghan kishilerning sergerdanliqqa yüzlinishi bir qeder éghir iken.

Kerimof hökümiti xelqara jem'iyet teripidin kishilik hoquqni depsende qiliwatqan eng diktator hökümetlerning biri qilip körsitilmekte. Özbékistan prézidénti islam kerimof özbek xelqining -2005 yili mayda enjanda hökümet siyasitige qarshi élip barghan tinch namayish herikitini qanliq basturup dunyaning qattiq eyiblishige uchrap kelmekte. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet