Өзбекистан хәлқиниң келәчәккә болған үмиди


2007-09-01
Share

Җүмә күни өзбекистан һөкүмити, өзбекистан мустәқиллиқниң 16 йиллиқини дағдуғулуқ мурасимлар билән хатирилиди. Лекин хәвәрләргә қариғанда, өзбекистанда мустәқиллиқ күнини хатириләш үчүн өткүзүлгән мурасимларда, өзбекистан хәлқи келәчәк һәққидә күнсири көпийиватқан әндишисини йошуралмиған.

Ройтрис агентлиқиниң хәвәр қилишичә, ташкәнттә өткүзүлгән мурасимда сөз қилған өзбекистан президенти ислам кәримоф, " өткән 16 йил ичидә демократик бир дөләт қуруш вә хәлқниң турмуш әһвалини яхшилаш үчүн қилған хизмәтлиримизни һечким инкар қилалмайду" дегән . Лекин, у президент вәзиписини башқа бир кишигә тапшуруш- тапшурмаслиқ мәсилиси һәққидә һечқандақ сөз қилмиған.

1989‏- Йилидин бери һакимийәт беишида туруватқан ислам кәримофниң вәзипә өтәш муддити алдимиздики декабир ейида ахирлишиду. Асасий қанун бойичә президент кәримофниң йәнә бир қетим өзини президентлиққа намзат көрситиши мумкин әмәс. Лекин у һазирғичә, президент вәзиписини тапшуруш яки тапшурмаслиқ мәсилсидә очуқ бир немә демигән.

Гәрчә президент кәримоф, ташкәнттә қилған сөзидә, демократик бир дөләт қурушқа тиришқанлиқини тәкитлигән болсиму, әмма хәлқара кишилик һоқуқ тәшкилатлири һәмдә америка қатарлиқ бәзи ғәрб дөләтлири, өзбекистанни дунядики кишилик һоқуқни әң көп дәпсәндә қиливатқан вә пуқралириниң әркинликини әң көп чәкләватқан дөләтләр қатарида көрсәтмәктә.

Өзбекистанниң америка вә ғәрб дөләтлири билән мунасивәтлири болупму, 2005‏- йили өзбекистанниң әнҗан шәһиридә йүз бәргән қанлиқ бастуруш һәрикитидин кейин, техиму кәскинләшти.

Хәвәрләргә қариғанда, өзбекистан билән америка қатарлиқ ғәрб дөләтлири арисидики мунасивәтләрдики кәскинлик, җүмә күни ташкәнттә өткүзүлгән мурасимларда ейтилған нахшилардиму очуқ-ашкара ипадиләнгән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт