Явропа иттипақи өзбекистанға қаратқан чәклимиләрни көздин кәчүрүшни кечиктүрди


2007-03-03
Share

явропа иттипақи, хәлқара кишилик һоқуқ тәшкилатлириниң бесими билән өзбекистанға қарита йолға қойған иқтисадий вә сиясий чәклимиләрни күздин кәчүрүш мәсилисини икки ай кечиктүрди.

Хәлқара кәчүрүм тәшкилати вә хәлқара кишилик һоқуқни күзитиш тәшкилати қатарлиқ кишилик һоқуқ тәшкилатлири, өзбекистанда кишилик һоқуқ вәзийитиниң күнсери еғирлишиватқанлиқини тәкитләп, явропа иттипақиниң өзбекситанға қарита йолға қойған иқтисадий вә сиясий чәклимиләрни бикар қилишини әмәс, техиму кеңәйтишни музакирә қилиши керәкликини билдүрмәктә.

2005‏- Йили өзбекистан һөкүмити әнҗан шәһиридә елип берилған наразилиқ һәрикитини қанлиқ бастурғандин кейин, явропа иттипақи өзбекистан билән сиясий , иқтисадий вә техник саһәләрдики һәмкарлиқларға чәклимә қоюп, өзбекситанға қорал сетишни һәмдә өзбекистанниң алий дәриҗилик һөкүмәт әрбаблириниң явропа дөләтлирини зиярәт қилишини чәклигән иди.

Өткән йили ноябир ейида явропа иттипақи өзбекистан билән техник саһәсидики һәмкарлиққа қоюлған чәклимини бикар қилип, башқа саһәләрдики чәклимиләрниң бикар қилиниши, өзбекистандики кишилик һоқуқ вәзийитиниң яхшилинишиға қарашлиқ, дәп көрсәткән иди.

Сиясий мулаһизичиләрниң ейтишичә, явропа иттипақиниң, өзбекистанға қарита йолға қоюлған иқтисадий вә сиясий чәклимиләр үстидики музакириләрни икки ай кечиктүргәнлики, өзбекистанниң кишилик һоқуқ вәзийитидә һечқандақ илгирләш болмиғанлиқиниң бир ипадиси икән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт