Özbékistandiki kishilik hoquq depsendichilikliri, b d t da sürüshtürülmekte


2007-11-10
Share

B d t ten -jazasigha qarshi turush komitéti, jüme küni, özbékistandiki kishilik hoquq depsendichiliklirini we özbékistan türmiliride yüz bériwatqan qyin-qistaqlar heqqidiki shkayetlerni anglashqa bashlidi. Ikki kün dawamlishidighan shikayet yighinda, xelq'ara kishilik hoquq teshkilatliri we özbék kishilik hoquq pa'aliyetchiliri, özbékistan hökümet da'irilirining siyasiy öktichilerni basturushta ten-jazasidin dawamliq bir qoral süpitide paydiliniwatqanliqini, pakitlar bilen otturigha qoyidiken.

B d t ten-jazasigha qarshi turush komitéti we kishilik hoquq pa'aliyetchiliri, uzundin béri özbékistanda ten jazasining, siyasiy öktichilerni basturushta özbék da'iriliri teripidin qolliniliwatqan bir qoralgha aylan'ghanliqini tekitlep kelmekte.

Yighin'gha, wasila inayetowa qatarliq ataqliq özbék kishilik hoquq pa'aliyetchiliri qatnashqan bolup, inayetowa yighinda qilghan sözide, xelq'ara teshkilatlarni, özbék kishilik hoquq pa'aliyetchilirining, özbékistandiki kishilik hoquq depsendichilikliri heqqidiki shikayetlirige yéterlik köngül bölmidi de eyiblidi.

Yighin'gha, özbékistan hökümet wekillirimu qatnashqan bolup, ular yighinda qilghan sözide, özbékistan hökümitining ten-jazasini yoqutush, edliye we jaza sistémisini özgertish üchün jiddiy pa'aliyet élip bériwatqanliqini bildürdi.

12‏- Noyabir küni yeni düshenbe küni özbékistan hökümet wekilliri, yighinda otturigha qoyulghan mesililerge jawap béridiken.

Xewerlerge qarighanda, b d t ten jazasigha qarshi komitéti, bir ay ichide kishilik hoquqning özbékistandiki weziyiti heqqide bir doklat élan qilidiken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet