Явропа бирлики қирғизистанда қәст қилинған журналист делосини җиддий тәкшүрүшни тәләп қилди


2007.10.31
Share on WhatsApp
Share on WhatsApp

явропа бирлики қирғизистандин ошта қәст қилип өлтүрүлгән журналист, кишилик һоқуқ паалийәтчиси әлишир сайипоф делосини тәлтөкүс тәкшүрүшни тәләп қилди. Ройтра агентлиқиниң биросселдин 10 - айниң 31 ‏- күни хәвәр қилинишичә, явропа бирликиниң нөвәттики президенти мәрһум сайипофниң кишилик һоқоқ үчүн көрсәткән хизмәтлирини тәқдирлигән вә қирғизистан президенти қурманбек бақийефтин бу делони тәлтөкүс ениқлап, алтә ай ичидә, бәлки техиму тез вақит ичидә, җинайәтчини қанун буйичә җазалашни тәләп қилди.

Хәвәрдә баян қилинишичә, хәлқара кәчүрүм тәшкилати 'сайипофниң қәстләп өлтүрүлгәнлики сабиқ совет иттипақиниң оттура асия районида хәлқниң пикир баян қилиш әркинликигә қилинған қәбиһ тосалғу' дәп көрсәтти.

Буниңдин бурун, қирғизистан сақчилири сайипофниң өлүмигә сәвәбчи болуши мумкин болған амиллардин, у һаят вақтида өзбекистан президенти ислам керимуфни тәнқидләп турғанлиқи, шу сәвәбтин у көп қетим сүрүштүрүлгәнлики қатарлиқ пакитларни ашкарилиған иди. Шуниңдин кейин, яврупа бирлики өзбекистан рәһбәрлиригә виза беришкә чәклимә қойди.

Мәрһум әлишир сайипоф өзи өзбек, қирғизистан пуқраси. У 10 ‏- айниң 24 ‏- күни ошта қәстләп өлтүрүлүштин бурун, өзбек тилида гезит чиқирип, өзбекистанда кишилик һоқуққа хилаплиқ қилинған вәқәләрни паш қилип турған иди. Мәрһум униңдин бурун әркин явропа радиосида хизмәт қилатти. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.