Özbékistan we qirghizistan prézidéntliri uchrashti

7-Séntebir küni rusiyining sankit pétirburg shehiride ötküzülgen ottura asiya hemkarliq teshkilatigha eza döletler bashliqlirining yighini jeryanida özbékistan prézidénti islam ke'érimof bilen qirghizistan prézidénti qurmanbék baqiyéw ayrim we mexsus söhbet ötküzüp, ikki döletning hemkarliq munasiwetliri heqqide pikirleshti.

Bu heqte xewer bergen qirghizistan " qabar " agéntliqining uchuridin qarighanda, ikki prézidént qirghizistan bilen özbékistanning en'eniwi dostluqi we bu dostluqni rawajlandurushning her ikkila terep üchün paydiliq ikenlikini tekitlesh bilen birge yene "qirghizistan-özbékistan menggülük dostluq shertnamisi"ni emelge ashurush hemde islam ke'érimof bilen qurmanbék baqiyéwning ayrim-ayrim halda özara dölet ziyariti élip bérishi heqqide kélishim hasil qilghan. Ular yene qirghiz-özbék chégra rayonlirining muqimliqini ishqa ashurush üchün ortaq ish élip bérishke kélishken.

Melumatlargha qarighanda bu enjan weqesidin kéyin shekillengen hemde künsayin murekkepleshken qirghiz –özbek munasiwetliridin kéyin ikki dölet ali rehberlirining uchriship, resmi sohbet ötküzüshi we kélishim hasil qilishi bolup hésablinidiken.(Ümidwar)