Японлар өзбекистанда уран қазмақчи


2007.10.21

японийиниң оттура асия дөләтлири билән болған һәр тәрәплимә һәмкарлиқлириниң күчийишигә әгишип, өзбекистан японийиниң өз тупрақлирида уран канлирини издиши һәмдә бирликәтә уран елишиға қошулди.

Пәрғанә агентлиқиниң башқа мәнбәләрдин нәқил кәлтүрүп тарқатқан учурлириға асасланғанда, японийә дөләтлик нефит, тәбиий газ вә метал ширкити өзбекистанда уран канлирини издәш тәклипини бәргән. Бу орган бу йилниң ахириғичә өзбекистандики 11 орундин уран канлирини издәп тепиш һәққидики пиланини ахирлаштуридиғанлиқини билдүргән, өзбекистан тәрәп әгәр булар дегәндәк болса икки тәрәпниң бирләшмә ширкәт қуруп, %50 тин бөлүшидиғанлиқи һәмдә уран канлирини қезиш ишлирини башлайдиғанлиқини көрсәткән.

Өзбекистан уран мәнбәси җәһәттә дуня бойичә 9 орунда туриду. японийидин башқа русийиниң " росатом" ширкитиму өзбекистан билән бирликтә уран қезишқа һәрикәт қилмақта. Өзбекистан тәрәп русийә тәрәпкә өзлириниң бирләшмә ширкәт қуруш һәққидики тәклиплирини бәргән . Әмма өзбекистан өзлири еришиватқан уранлирини америка ширкити арқилиқ чәтәлгә сатмақта.

Өзбекистанни өз ичигә алған қирғизистан вә қазақистан қатарлиқ оттура асия мәмликәтлириниң уранлириға хитайниңму алаһидә қизиқип, бу җәһәттә мәлум һәрикәтләрни қиливатқанлиқи мәлум.(Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.