Сүйқәсткә учриған қирғизистан парламент әзасиниң иниси өзигә от қоювалди


2005-11-11
Share

Йеқинда сүйқәсткә учриған қирғизистан парламент әзаси баяман әркинбайевниң қериндиши ассан әркинбайев, қирғизистан даирилириниң сүйқәст вәқәсини тәкшүрүш һәрикитидин нарази болуп, җүмә күни җалалабад шәһиридә өзини от қоюп көйдүривалди.

Җалаабад районидики бир кишилик һоқуқ тәшкилатиниң тәкитлишичә, ассан әркинбайев җүмә күни "намайишчилар алдида өзигә от қоюп берип, һөкүмәт даирилиридин қериндишиға сүйқәст қилған кишини қолға елишни тәләп қилған".

Баяман әркинбайев, ақайевни ағдуруш инқилабида муһим рол ойниған шәхсләрдин бири иди. У, бу йил сентәбирдә намәлум кишиләр тәрипидин етип ташланған. Җалалабад районлуқ дохтурхана баянатчисиниң елан қилишичә, ассан әркинбайевниң йүзи вә бәдининиң үстинки қисими 2 вә 3 - дәриҗидә көйгән болуп, бимарниң әһвали " наһайити муқимсиз" икән.

Ассан әркинбайев, президент ишханисиниң мудири уссен садиқовниң вәзиписидин истипа беришини тәләп қилип, уни баяманни өлтүрүшкә риясәтчилик қилған, дәп әйиблигән иди. Әмма җалалабад областиниң валиси җуссуп җенбеков, ассан әркинбайевниң һәрикитини " қанунсиз" вә " "әхлақсизлиқ", дәп тәнқидлигән.

Франсийә ахбарат агентлиқиниң хәвәр қилишичә, қирғизистан дөләт бихәтәрлик идарисиниң баянатчиси чинара асанова, сүйқәст қилиш вәқәсиниң арқисида " сиясий сәвәб барлиқини көрүп йитәлмидуқ," дәйду.

Даириләр баяманниң өлүми билән четишлиқи бар, дәп гуман қилинған бәш адәмдин икки кишини тутуп турмақтикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт