Süyqestke uchrighan qirghizistan parlamént ezasining inisi özige ot qoyuwaldi


2005-11-11
Share

Yéqinda süyqestke uchrighan qirghizistan parlamént ezasi bayaman erkinbayéwning qérindishi assan erkinbayéw, qirghizistan da'irilirining süyqest weqesini tekshürüsh herikitidin narazi bolup, jüme küni jalal'abad shehiride özini ot qoyup köydüriwaldi.

Jala'abad rayonidiki bir kishilik hoquq teshkilatining tekitlishiche, assan erkinbayéw jüme küni "namayishchilar aldida özige ot qoyup bérip, hökümet da'iriliridin qérindishigha süyqest qilghan kishini qolgha élishni telep qilghan".

Bayaman erkinbayéw, aqayéwni aghdurush inqilabida muhim rol oynighan shexslerdin biri idi. U, bu yil séntebirde namelum kishiler teripidin étip tashlan'ghan. Jalal'abad rayonluq doxturxana bayanatchisining élan qilishiche, assan erkinbayéwning yüzi we bedinining üstinki qisimi 2 we 3 - derijide köygen bolup, bimarning ehwali " nahayiti muqimsiz" iken.

Assan erkinbayéw, prézidént ishxanisining mudiri ussén sadiqowning wezipisidin istipa bérishini telep qilip, uni bayamanni öltürüshke riyasetchilik qilghan, dep eyibligen idi. Emma jalal'abad oblastining walisi jussup jénbékow, assan erkinbayéwning herikitini " qanunsiz" we " "exlaqsizliq", dep tenqidligen.

Fransiye axbarat agéntliqining xewer qilishiche, qirghizistan dölet bixeterlik idarisining bayanatchisi chinara asanowa, süyqest qilish weqesining arqisida " siyasiy seweb barliqini körüp yitelmiduq," deydu.

Da'iriler bayamanning ölümi bilen chétishliqi bar, dep guman qilin'ghan besh ademdin ikki kishini tutup turmaqtiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet