Пакистанда қазақистанниң бир дипломатик әмәлдари өлтүрүлди


2005.01.21
Share on WhatsApp
Share on WhatsApp

Қазақистанниң пакистанда турушлуқ юқири дәриҗилик бир дипломатик әмәлдари, чаршәнбә күни исламабадтики өйидә намәлум кишиләр тәрипидин өлтүрүлди.

Қазақистан ташқи ишлар министирлиқиниң ашкарилишичә, қазақистанниң исламабаттики муавин баш әлчиси сапарғали обақироф, бешидин яриланғандин кейин исламабаттики пакистан һәрбий дохтурханисиға елип берилип шу йәрдә өлгән. Қазақистан ташқи ишлар министирлиқи сапарғали обақириофниң исламабаттики өйидә қанға милләнгән һалда байқалғанлиқини билдүрди.

Франсийә ахбарат агентлиқиниң хәвәр қилишичә, пакистан сақчилири қатилниң адәм өлтүрүш мәқсиди, кимлики шундақла өлгүчиниң өйигә қандақ киргәнлики тоғрисида һазирчә һечқандақ йип учи тапалмиған.

Сақчилар қатилниң қорали тепилмиғанлиқини шундақла обақириофниң дипломатик номурлуқ машиниси йоқап кәткәнликини билдүргән. Пакистан даирилириниң ашкарилишичә, сақчилар обақирофниң дилоси үчүн мәхсус развитка гурупписи тәшкиллигән. Бирақ һазирғичә юқириқи билән мунасивәтлик дәп қаралған һечқандақ бир гуманлиқ унсур қолға елинип бақмиған.

Бу арида русийә, қазақистан, қирғизистан вә өзбекистан қатарлиқ төт дөләтниң бихәтәрлик даирилири җүмә күни таҗикистанда йиғин ечип, террорчилиқ, сияси вә диний әсәбийлик шундақла тәшкиллик җинайи һәрикәтләргә қарши һәмкарлиқни күчәйтидиғанлиқини елан қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.