Pakistanda qazaqistanning bir diplomatik emeldari öltürüldi


2005.01.21
Share on WhatsApp
Share on WhatsApp

Qazaqistanning pakistanda turushluq yuqiri derijilik bir diplomatik emeldari, charshenbe küni islam'abadtiki öyide namelum kishiler teripidin öltürüldi.

Qazaqistan tashqi ishlar ministirliqining ashkarilishiche, qazaqistanning islam'abattiki mu'awin bash elchisi saparghali obaqirof, béshidin yarilan'ghandin kéyin islam'abattiki pakistan herbiy doxturxanisigha élip bérilip shu yerde ölgen. Qazaqistan tashqi ishlar ministirliqi saparghali obaqiri'ofning islam'abattiki öyide qan'gha millen'gen halda bayqalghanliqini bildürdi.

Fransiye axbarat agéntliqining xewer qilishiche, pakistan saqchiliri qatilning adem öltürüsh meqsidi, kimliki shundaqla ölgüchining öyige qandaq kirgenliki toghrisida hazirche héchqandaq yip uchi tapalmighan.

Saqchilar qatilning qorali tépilmighanliqini shundaqla obaqiri'ofning diplomatik nomurluq mashinisi yoqap ketkenlikini bildürgen. Pakistan da'irilirining ashkarilishiche, saqchilar obaqirofning dilosi üchün mexsus razwitka guruppisi teshkilligen. Biraq hazirghiche yuqiriqi bilen munasiwetlik dep qaralghan héchqandaq bir gumanliq unsur qolgha élinip baqmighan.

Bu arida rusiye, qazaqistan, qirghizistan we özbékistan qatarliq töt döletning bixeterlik da'iriliri jüme küni tajikistanda yighin échip, térrorchiliq, siyasi we diniy esebiylik shundaqla teshkillik jinayi heriketlerge qarshi hemkarliqni kücheytidighanliqini élan qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.