Qazaqistan özbék kishilik hoquq pa'aliyetchisini b d t muhajirlar idarisigha tapshurdi


2005.07.12
Share on WhatsApp
Share on WhatsApp

Qazaqistan hökümiti, özbékistan hökümitining qazaqistanda panahlan'ghan özbék siyasiy öktichisi we kishilik hoquq pa'aliyetchisi lutfulla shemsidinofni özbékistan'gha qayturush toghrisidiki teleplirini ret qilip, uni birleshken döletler teshkilati muhajirlar idra'isigha tapshurup berdi.

Birleshken döletler teshkilati muhajirlar aliy komisarliqining bayanatchisi ron ridmonning bildürüshiche, may éyida özbékistanning enjan shehiride yüz bergen basturush herikitidin kéyin özbékistandin qichip qazaqsitanda panahlan'ghan shemsiddinof, a'ilisi bilen birlikte melum bir yawrupa dölitige waqitliq orunlashturulghan.

Ridmon qazaqsitanning shemsiddinofni özbékistan'gha qayturup bermeslik qararini maxtap, qazaqistan hökümiti shemsiddinofni özbékistan'gha bermey bizge tapshurush arqiliq xelq'ara prinsiplargha sadaqetmen ikenlikini janliq bir misal bilen ispatlidi, dédi

Enjandiki basturushtin kéyin, özbékistandin qéchip qazaqistanda panahlan'ghan shemsiddinofning qazaqistan hökümiti teripidin qolgha élinishi xelq'ara kishilik hoquq teshkilatlirining qattiq tenqidige uchrighan hemde amérikining qazaqistandiki bash elchisi qazaqistan hökümitini shemsiddinofni özbékistan'gha qayturmasliqqa chaqirghan.

Özbékistan hökümiti shemsiddinofni térrorchiliq we xelq arisida yalghan xewer tarqitish bilen eyiblep, qazaqistan hökümitidin uni özbékistan'gha qayturup bérishni telep qilghan idi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.