Qazaqistandiki hökümran partiyining bash shitabida partlash yüz berdi


2004.11.28

Qazaqistan prézidénti nursultan nezerbayéfning otan partiyisining bash shitabi sirtida yekshenbe küni kechte arqa- arqidin ikki qétim partlash weqesi yüz berdi.

Roytirs axbarat agéntliqining xewirige qarighanda, ikki qétimliq partlash besh minut ichide yüz bergen. Aldi bilen otan partiyisining almatadiki bash shitabi binasining kochigha qarap turidighan bir dérizisining astigha orunlashturulghan bomba partlighandin kéyin, bina sirtidiki bir téléfonxanigha orunlashturulghan ikkinji bomba partlighan.

Neq meydandikiler partlashning shiddetlik ikenlikini, binaning dériziliri we qismen tamlirini weyran qilghanliqini bildürgen. Xewerde iytilishiche, partlash netijiside binadin étilip chiqqan eynek we xish parchiliri bir ademni yarilandurghan.

Xewerge qarighanda, qazaqistanning alahide qoralliq qisimliri we puqrache kiyin'gen saqchilar uzun ötmeyla üch qewetlik mezkur binani pichetligen. Weqening kim teripidin sadir qilin'ghanliqi téxi éniq emes. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.